الخميس، 27 نوفمبر 2008

الذكاء العاطفى


نجاح الإنسان وسعادته في الحياة يتوقفان على مهارات لا علاقة لها بشهادته وتحصيله العلمي



جمله شدتنى فى كلام د.دانييل جولمان عن كتابه الذكاء العاطفى.



جميعا الا نادر منا بيدور على الشهاده وتكون احسن شهاده والدرجه العلميه الى هياخده ..


وطبعا من كتر اهتممنا بيها من واحنا لسه فى كيجى2 نسينا الى اهم من كده وهى مهارة الذكاء العاطفى !!



الذكاء العاطفى هو اساس القدره على التعامل بايجابيه مع النفس ومع الاخرين


وطبعا دى محتاجه تنميه زى ما بنمى اى مهاره عندنا


والتطوير فيها اسهل بكتير من التطوير فى الذكاء العقلى



عايزه اوضح كلامى اكتر .. لما نتكلم عن الذكاء العاطفى يبقى نقصد كل احاسيسنا وسبب


كل احساس وسبب كل تصرف وازاى نقدر نحب الى حوالينا وازاى نتحكم فى انفعالاتنا


وعواطفنا وبمعنى شامل ازاى نفهم نفسنا بشكل صح.....



مبدا الذكاء العاطفى بسيط جدا يعتمد على الذكاء فى عواطفنا مثلا الشخص الذكى عاطفيا هو


الذى لايتجاهل عواطفه وانما يفهمها ويتعامل معها بشكل صحيح وايجابى


بمعنى محدش يقدر يقرر هو هيزعل امتى او ميزعلش ولكن نفدر نقرر ازاى نتعامل مع غضبنا



وبنلاقى اهمية الذكاء العاطفى فى مكان العمل وبالاخص مع العمل الجماعى لانه العلاقه بين


الفريق تعتمد على الذكاء العاطفى كى تنجح.


دانييل جولمان صاحب كتاب الذكاء العاطفى .. وفيه بيشرح كل حاجه فى المخ العاطفى


ومايتعلق بالذكاء العاطفى .. بما فيهم العقل الباطن اللى بيعتبر الاساس فى طريقه حياة


الشخص
.


السبت، 8 نوفمبر 2008

عن ستيفين كوفى ... العادات السبع

بسم الله الرحمن الرحيم


مساء الخير عليكوا ..... وكل سنه اونتوا طيبين بمناسبة قدوم شهور الحج والعيد والزحمه واللحمه


كان نفسى اتكلم عن المناسبه دى لكن هسيبها شويه واتكلم عن حاجه جايه فى بالى


وبقرا فيها من فتره ....


كيف نطور من انفسنا؟


ومن يساعدنا على هذا التطوير؟


ولماذا سنبدا فى هذا التطوير؟


ومتى سنقرر هذا التطوير؟


وماذا سنفعل حين نبدا؟


اكيد دى الاسئله الى المفروض نجاوب عليها يوم ما فعلا نعمل كده


وزى ماقال "رديلرد كبلنج"..عندى سته من الخدام الاوفياء عنهم اخذت كل ما اعرفه من العلوم وهذه اسماؤهم ماذا ,ومتى , وكيف , واين ومن !


فى كتاب العادات السبع الاكثر انتاجيه ل"ستيفين كوفى" اتكلم عن عادات طبعا لو طبقناها هنكون اكثر انتاجيه زى ما باين من عنوان الكتاب


وزى ما اتكلم عن اول عاده الى انا شايفاها من وجهة نظرى مهمه جدا ..
*يجب أن تعمل على تغيير الظروف بما يخدم أهدافك ، لا أن تغير أهدافك وفقاً لما تمليه الظروف .
*وضوح الاهداف ودقتها.. قبل ما يبقى عندنا هدف طبعا نحدده صح بمعنى نضع خطواته قدام عنينا ونشوفه كانه حقيقه نتخيله ونشعر بيه .


*تحديد الاولويات ..... بمعنى الاهم فالمهم


*التعامل بمنطق الكسب المتبادل ,اللى هو مش ضرورى ان يخسر واحد ليكسب الاخر


*الفهم الصحيح للآخرين .. وده عليه عامل كبير فى علاقتنا بالاخرين وتاثيرنا فيهم


يعنى زى ما احنا منحبش الناس تفهمنا غلط نحاول نفهمهم صح وبلاش نركز على الفروع ونسيب المضمون


*العمل مع المجموع .. كن منتمياً للمجموع عاملآً من أجله .... المجموعية ليست مجرد الجماعية ، لأن نتاج العمل من أجل المجموع سيكون أكبر وأكثر من مجرد حاصل جمع نتاج أعضاء المجموعية .المجموعية هي 1+1=8 أو 16 وربما 1600


*إنماء الطاقة الشخصية الكامنة " شحذ المنشار ..لكي تكون فعالاً يجب أن تجدد قوتك ومقدراتك متمثلةً في الأبعاد الأربعة للذات الإنسانية " الجسم ، العقل ، الروح ، العاطفة " وهذا يتطلب تنمية الجسم بالرياضة ، وتنمية العقل بالمعرفة والثقافة ، وتنمية الروح بالإيمان والقيم ، وتنمية العواطف بالتواصل مع المجتمع وصولاً إلى المنفعة المتبادلة وشحذاً لملكات الانتماء


ستيفن كوفى اضاف للعادت السبع العاده الثامنه فى كتاب جديد يعمل على تحفيز الأشخاص ومساعدتهم على التحكم بحياتهم المهنية والشخصية

الخميس، 28 أغسطس 2008